Sárasótt skekur klámmyndaiðnaðinn

Bandarískt fyrirtæki sem sér um dreifingu á fullorðinsmyndum tilkynnti í gær að framleiðsla á slíkum myndum í Los Angeles yrði hætt tímabundið eftir að einn leikaranna greindist með sárasótt, en það er sjúkdómur sem getur blossað upp eftir að fólk gamnar sér saman.

Á vefnum HealthNews.com segir að leikararnir geti snúið aftur til vinnu að tíu dögum liðnum eftir að hinn sýkti leikari hefur tekið inn sýklalyf.

Atvikið hefur orðið til þess að krafan er orðin háværari um að leikarar í kvikmyndum noti verjur við vinnu sína.