Erlent

Kódak var með kjarnakljúf í New York

Höfuðstöðvar Kodak í New York.
Höfuðstöðvar Kodak í New York.
Bandaríska fyrirtækið Eastman Kódak starfrækti á sínum tíma lítinn kjarnakljúf í miðri New York borg. Um 1.6 kíló af auðguðu úrani var notað til að knýja ofninn en hann er á stærð við ísskáp.

Kódak hefur aldrei rætt opinberlega um kjarnakljúfinn en hann var aðeins notaður í rannsóknarskyni. Nifteindir voru framkallaðar í honum og voru þær notaðar til að rannsaka nýstárlegar aðferðir við framköllun ljósmynda.

Þetta er kjarnaofninn sem Kódak hafði í kjallara sínum.mynd/Nuclear Regulatory Commission
Ofninn var í notkun í rúm 30 ár áður en slökkt var honum árið 2007. Þá var úranið flutt á brott. Málinu var haldið leyndu frá fjölmiðlum í Bandaríkjunum enda óttuðust yfirvöld að hryðjuverkamenn gætu komið höndum yfir úranið.

Talsmaður Kódak, Christopher Veronda, segir að ofninum hafi einnig verið haldið leyndum frá lögregluyfirvöldum í New York. Hann var falinn í kjallara Kódak byggingarinnar í New York.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.