Milljarðar lífvænlegra reikistjarna í Vetrarbrautinni

Rannsóknir evrópskra stjörnufræðinga gefa til kynna að lífvænlegar plánetur séu margfalt algengari í vetrarbrautinni en áður var talið. Tugir milljarða slíkra bergreikistjarna eru sagðar vera í vetrarbrautinni okkar.

Stjörnufræðingarnir notuðust við HARPS litrófsritann við rannsóknina en hann er á stjörnusjónaukanum La Silla í Chile.

Rannsóknin tók sex ár. HARPS var beint að 102 rauðum dvergum á suðurhveli himinsins. Níu risajarðir fundust á sporbraut um þessar stjörnur. Þessar plánetur eru á hinu svokallað „gullbráarsvæði" sem þýðir að þær eru í hæfilegri fjarlægð frá fylgistjörnum sínum - þannig getur vatn í vökvaformi verið til staðar á plánetunum.

Á stjarnfræðilegum mælikvarða eru þessir rauðu dvergar í næsta nágrenni við jörðina, eða í um 30 ljósára fjarlægð.

Niðurstöðurnar voru birtar vísindatímaritinu Astronomy & Astrophysics. Þar kemur fram að risajarðir séu á sporbraut um rauða dverga í 41% tilvika. Rauðir dvergar eru afar algengar stjörnu og telja um 80% allra stjarna í vetrarbrautinni.