Gífurleg spenna fyrir prófkjör Repúblikana í dag

Gífurleg spenna er meðal frambjóðenda Repúblikana um forsetaefni flokksins í prófkjörunum sem fram fara í ríkjunum Alabama og Mississippi í dag.

Síðustu skoðanakannanir sýna að svo mjótt er á munum milli þeirra Mitt Romney, Rick Santorum og Newt Gingrich að hver þeirra sem er gæti orðið sigurvegarinn í báðum ríkjunum.

Í Mississippi mælist Gingrich með 33% atkvæða, Romney með 31% og Santorum með 27%. Minna munar svo á þeim í Alabama þar sem Romney er með 31% atkvæða, Gingrich með 30% og Santorum með 29%.

Þar sem skekkjumörkin á þessum könnunum eru 4% má segja að þeir séu allir þrír hnífjafnir í báðum ríkjunum.