Ljótasti hundur í heimi dáinn

Smáhundurinn Yoda sem var kjörinn ljótasti hundur í heimi síðasta sumar er dáinn en hann dó í svefni á dögunum. Yoda varð 15 ára gamall en þegar eigandinn fann hann einan og yfirgefinn í húsasundi á tíunda áratugnum hélt hann að Yoda væri risavaxin rotta.

Hvutti var samblanda af kínverskum smáhundi og mexíkóska smáhundakyninu Chihuahua. Terry Schumacher, eigandinn, segir að hundurinn hafi fríkkað talsvert með áráunum. „Ég mun sakna hans, hann var ótrúlega skemmtilegur," segir hún.

Yoda var kjörinn ljótasti hundur í heimi á árlegri hátíð í Norður-Kaliforníu í Bandaríkjunum síðasta sumar. Að launum fékk eigandinn 1000 dollara og bikar, sem var 15 sinnum stærri en Yoda.

Blessuð sé minning hvutta.