Milljarða ára saga tunglsins á þremur mínútum

Geimferðastofnun Bandaríkjanna hefur birt myndband sem sýnir þróun tunglsins síðustu 4.5 milljarða ára. Þrátt fyrir að yfirborð tunglsins sé okkur kunnugt og ferðalag þess fyrirsjáanlegt þá einkennist saga þess af ringulreið.

Myndbandið var sett saman af Goddard myndvinnsluverinu en það annast framleiðslu grafísks myndefnis fyrir NASA.

Á síðustu 4.5 milljörðum ára hefur tunglið umbreyst úr þyrlandi hrúgu af geimryki yfir í flekklausan hnött og loks að tunglinu sem við þekkjum í dag - stráð eldgígum og hrauni.

Síðustu þrjú ár hefur gervihnöttur NASA, Lunar Reconnaissance Orbiter, rannsakað yfirborð tunglsins. Myndbandið er lokaafurð rannsóknarvinnunnar.

Hægt er að sjá myndbandið hér fyrir ofan.