Myndar Scotts beðið með eftirvæntingu

Kvikmyndar Ridleys Scott, Prometheus, er beðið með eftirvæntingu, en ný stikla úr myndinni var frumsýnd í gær. Myndin var tekin upp að hluta hér á landi, meðal annars við Dettifoss, eins og fram hefur komið.

Viðskiptablaðið greindi frá því fyrir nokkru að upptökurnar hér á landi hefðu skilað samtals 740 milljónum króna í erlendum gjaldeyri síðastliðið sumar. Tökudagarnir hafi verið samtals átta en áður hafi undirbúningur staðið yfir í 12 vikur.

Stiklan sem verið var að frumsýna í gær er ekki fyrsta stiklan. Önnur stikla var frumsýnd í lok síðasta árs. Búist er við því að myndin sjálf verði frumsýnd í Bandaríkjunum í júní.

Smelltu hér til að horfa á stikluna