Sífelldar sprengingar í Sýrlandi

Bilsprengja sprakk í borginni Aleppo í norðurhluta Sýrlands í dag, samkvæmt frásögnum þarlendra miðla. Stjórnarandstæðingar í landinu segja að einhverjir hafi farist í sprengingunni og aðrir særst en engar tölur um fjölda hafa borist. Í gær fórust að minnsta kosti 27 manns þegar sprengja sprakk í Damaskus, höfuðborg Sýrlands.

Tugir hafa farist á undanförnum mánuðum í sprengingum í Sýrlandi. Stjórnvöld kenna hryðjuverkamönnum um en stjórnarandstæðingar saka stjórnvöld um að setja þessi atvik á svið. Breska fréttastofan BBC segir að erfitt sé að staðfesta fréttir af gangi mála því erlendir fjölmiðlar fái mjög takmarkað að athafna sig í landinu.