Konungur Tonga er látinn

George Tupou fimmti, hinn litríki konungur Tonga í Kyrrahafinu er látinn, 63 ára að aldri.

Topou lést á sjúkrahúsi í Hong Kong en dánarorsökin liggur ekki fyrir. Bróðir Tupou var við dánarbeð hans.

Tupou verður minnst í sögunni fyrir að hafa komið á fót lýðræði á Tonga en fyrstu frjálsu kosningarnar í þessu eyríki fóru fram árið 2010.

Tupou var þekktur meðal eyjaskeggja fyrir að keyra um konungsveldi sitt í London-leigubíl, klæddur einum af litríkum einkennisbúningum sínum og með hitabeltishjálm á höfðinu.