Gunnar Jarl dæmir ekki annað kvöld

Gunnar Jarl Jónsson, knattspyrnudómari, mun ekki dæma leik í þriðju umferð Pepsi-deildar karla annað kvöld. Gunnar verður varadómari á leik Vals og ÍBV að Hlíðarenda.

Þetta verður að teljast einkennileg ráðstöfun hjá KSÍ þar sem sex leikir fara fram annað kvöld í Pepsi-deild karla og mikil eftirspurn er eftir góðum dómurum  í efstu deild.

Gunnar Jarl hefur verið mikið í umræðunni eftir síðasta leik sem dómarinn dæmdi, en þá fékk hann harða gagnrýni frá þjálfara Keflvíkinga, Willum Þór Þórssyni. Willum var allt annað en sáttur með frammistöðu Gunnars í leiknum og taldi að dómarinn hefði rænt sigrinum frá Keflvíkingum.

KSÍ er hefur líklega stillt upp dómurum fyrir leikina á morgun fyrir einhverjum tíma, en samt sem áður einkennilegt að einn af okkar bestu dómurum dæmi ekki þegar heil umferð fer fram.

Dómarar leikjanna annað kvöld:

Breiðablik – Grindavík - Þóroddur Hjaltalín Jr.

Fylkir – Fram - Magnús Þórisson

Víkingur – KR – Guðmundur Ársæll Guðmundsson

Keflavík – FH – Valgeir Valgeirsson

Þór – Stjarnan – Þorvaldur Árnason

Valur – ÍBV – Kristinn Jakobsson