Torres er viss um að Liverpool nái sér á strik

Spænski framherjinn Fernando Torres segir að Liverpool eigi eftir að ná sér á strik undir stjórn Kenny Dalglish. Liverpool hefur byrjað leiktíðina afar illa og er liðið 19 stigum á eftir erkifjendunum - Manchester United sem er á toppi deildarinnar með 45 stig.

Liverpool og Everton skildu jöfn í gær, 2-2, í grannaslagnum í Liverpool á Anfield og Torres lék mun betur en í síðustu leikjum þrátt fyrir að hann skoraði ekki. Öll mörkin úr enska boltanum eru aðgengileg á sjónvarpsvefnum á visir.is.

„Markmiðið okkar er alltaf að vinna leiki en það er langt síðan við náðum því markmiði. Við verðum að bíða og sjá hvernig þetta tímabil endar hjá okkur en að mínu mati erum við að spila betur en áður. Ef við höldum áfram á þessari braut þá förum við að vinna leika og það er mikilvægast af öllu," sagði Torres í gær. „Ef við hefðum nýtt færin í fyrri hálfleik þá hefðum við verið 2-3 mörkum yfir - en svona er fótboltinn. Óútreiknanlegur.