Keisari Japans fluttur á spítala

Keisari Japans, hinn 77 ára gamli Akihito, var fluttur á spítala í gær. Akihito hefur verið veikur síðustu daga og þjáist af bronkítis.

Talsmaður keisaraveldisins sagði að ástand Akihito væri öruggt en honum hafi þó versnað síðustu daga.

Þetta er í annað skiptið á þessu ári sem keisarinn er fluttur á spítala. Fyrr á árinu gekkst Akihito undir rannsókn á kransæðum sínum.

Yfirvöld í Japan ákváðu í gær að krónprins Japans, Naruhito, tæki við embætti keisara á meðan Akihito væri fjarverandi.

Embætti Keisarans í Japan er táknrænt. Keisarinn hefur í sjálfu sér engin völd en þó vegsama Japanir hann.