Rússar í vandræðum með geimfar á leið til Mars

Rússar eru komnir í vandræði með geimfar sem Þeir skutu á loft í gærkvöldi og ætlað er að sækja jarðvegssýni á tunglið Phobos sem er á braut um Mars.

Skömmu eftir að geimfarinu var skotið á loft frá Baikonur geimstöðinni í Kazakstan bar það af leið. Í frétt um málið á rússnesku fréttastöðinni Interfax segir að ein af vélum geimfarsins hafi ekki farið í gang en hún átti að halda farinu á réttri braut. Vonast er til að hægt verði að laga þetta vandamál í dag. 

Fyrir utan að sækja sýni á Phobos er geimfarið með fyrsta gervihnöttinn sem Kínverjar senda til Mars innanborðs.