Grétar gæti komið við sögu í kvöld - Lampard meiddur

Grétar Rafn Steinsson er byrjaður að æfa með Bolton á ný eftir hnémeiðsli og gæti komið við sögu þegar að liðið mætir Chelsea í kvöld.

Hins vegar er ljóst að Frank Lampard verður ekki með Chelsea í leiknum en hann er að stríða við meiðsli í kálfa.

John Terry, liðsfélagi Lampard, getur þó spilað þrátt fyrir að hann sé meiddur í baki.

Grétar Rafn spilaði síðast með Bolton á öðrum degi jóla er liðið vann 2-0 sigur á West Brom. Síðan þá hefur Bolton ekki unnið leik í deildinni og tapað þremur af fjórum leikjum sínum.

Bolton er í níunda sæti með 30 stig en Chelsea í því fjórða með 38 stig.