Cain sakaður um óviðeigandi hegðun

Talið er að tvær konur hafi kvartað undan kynferðislegri áreitni af hálfu Herman Cain þegar hann var stjórnandi Veitingahúsasambands Bandaríkjanna á tíunda áratugnum.

Herman Cain berst nú fyrir útnefningu Repúblikanaflokksins fyrir forsetakosningar í Bandaríkjunum á næsta ári. Cain nýtur mikilla vinsælda og er efstur á blaði í skoðanakönnunum.

Konurnar, sem voru starfsmenn sambandssins, sögðu að framkoma Cain hafi verið óviðeigandi. Heimildarmenn segja að konurnar hafi yfirgefið störf sín eftir að framkoma Cains reitti þær til reiði.

Samkvæmt heimildamönnum Politico fengu konurnar borgað fyrir að þegja yfir málinu.

Cain og talsmenn hans neita að tjá sig um málið.