Nýr mannskapur í Alþjóðlegu geimstöðinni

Rússneska geimflaugin Soyuz lagðist að Alþjóðlegu geimstöðinni, ISS, í dag.

Í flauginni voru tveir rússneskir geimfarar ásamt einum frá Bandaríkjunum. Soyuz var skotið á loft frá Baikonur cosmodrome í Kasakstan á mánudaginn síðastliðinn.

Eftir að NASA sagði skilið við geimferðaáætlun sína í ágúst á þessu ári er Soyuz eina eldflaugin sem getur ferjað vistir og mannskap til ISS.

Talsmaður Rússnesku geimferðastofnunarinnar sagði tenginguna við ISS hafa gengið afar vel.

Núverandi íbúar ISS munu yfirgefa geimstöðina í desember en þeir nýju munu dvelja á sporbraut næstu mánuði.