Umfjöllun: Grétar tryggði Keflavík stig gegn FH

Leikur Keflavíkur og FH í 3. umferð Pepsídeildar karla lauk með hádramatískum hætti. Fyrstu 80 mínútur leikins voru í rólegra laginu. Þá tók við stórskemmtileg atburðarrás. Matthías Vilhjálmsson skoraði úr glæsilegri aukaspyrnu. Viktor Örn í liði FH fær að líta rauða spjaldið skömmu seinna og á lokaandartökum leiksins jafnar varamaðurinn Grétar Hjartarson metin í 1-1 sem voru lokatölur leikins. Keflvíkingar hafa því safnað saman 5 stigum í fyrstu 3 umferðunum á meðan Íslandsmeistaraefnin í FH sitja aðeins á eftir með 4 stig.

Fyrri hálfleikur var eins og áður er lýst nokkuð rólegur. Miðjubaráttan var allsráðandi en þó fengu gestirnir ívið hættulegri færi. Ólafur Páll átti sendingu utan af kanti sem endaði ofan á þverslá Keflavíkur marksins auk þess sem Freyr Bjarnason átti skalla sem bjargað var á marklínu.

Í síðari hálfleik mætti allt annað FH lið til leiks. Þeir tóku öll völd á miðjunni á meðan heimamenn lögðust aðeins aftar á völlinn. FH-ingar fengu þó nokkuð af færum og til að mynda klúðraði Atli Viðar Björnsson tveimur dauðafærum. Eftir 80 mínútna leik lét Keflavíkur vörnin loks undan.

Matthías Vilhjálmsson fyriliði FH-inga skoraði þá úr aukaspyrnu með glæsilegum hætti. Staðan 0-1 og við það var sem Keflvíkinga tækju við sér. Willum setti reynsluboltann Grétar Ólaf Hjartarson inná á 83 mínútu og í kjölfarið jókst sóknarþungi heimamanna. Á 86 mínútu átti sér stað unmdeild atvik. Há sending kemur inn í teig og missir Gunnleifur boltann.

Haraldur Guðmundsson nær að koma knettinum í netið en Valgeir Valgeirsson dómari dæmdi aukaspyrnu, taldi að brotið hefði verið á Gunnleifi. Í kjölfarið takast nokkir leikmenn úr báðum liðum á sem endar með því að Viktor Örn Guðmundsson fær sitt annað gul spjald og þar með það rauða.

Keflvíkingar nýttu sér liðsmuninn og jafnaði Grétar Hjartarson leikinn eftir þvögu í teig FH-inga. Skömmu seinna flautar Valgeir dómari til loka leiks. Lokastaðan 1-1 í dramatískum leik.

FH-ingar geta nagað sig í handarbökin yfir því að hafa ekki nýtt sér yfirburðina í seinni hálfleik. Keflvíkingar geta hinsvegar gengið sáttir frá borði því þeir voru undir í baráttunni lengst af en það er ekki spurt að því í fótbolta og refsuðu Keflvíkingar FH-ingum grimmilega. 

Keflavík – FH 1-1

Matthías Vilhjálmsson(80 mín) 0-1

Grétar Hjartason (91 mín) 1-1

Nettóvöllurinn. Áhorfendur: 1480

Dómari: Valgeir Valgeirsson (4)

Skot (á mark): 9–12 (5-x5)

Varin skot: Ómar 4 – Gunnleifur  4

Hornspyrnur: 4–6

Aukaspyrnur fengnar: 15–11

Rangstöður: 3–2

Keflavík (4-5-1):

Ómar Jóhannsson 7

Guðjón Árni Antoníusson 6

Haraldur Freyr Guðmundsson 7

Adam Larsson 5

Goran Jovanovski 6

Einar Orri Einarsson 5

(83., Grétar Hjartarson -)

Andri Steinn Birgisson 5

Hilmar Geir Eiðsson 6

Jóhann Birnir Guðmundsson 4

(73., Magnús Þorsteinsson -)

Magnús Þórir Matthíasson 5

Guðmundur Steinarsson 4

(60., Arnór Ingvi Traustason 5)

FH (4-3-3):

Gunnleifur Gunnleifsson 6

Ásgeir Gunnar Ásgeirsson 6

Freyr Bjarnason 7

Pétur Viðarsson 6

Viktor Örn Guðmundsson 7

Björn Daníel Sverrisson 6

Hólmar Örn Rúnarsson 7

(73., Bjarki Gunnlaugsson -)

Matthías Vilhjálmsson 8 maður leiksins

Ólafur Páll Snorrason 5

(91.,Gunnar Kristjánsson -)

Atli Guðnason 4

(73., Hannes Sigurðsson -)

Atli Viðar Björnsson 4