Ferguson vongóður um að Rio geti spilaði um helgina

Alex Ferguson, stjóri Manchester United, vonast til að varnarmaðurinn Rio Ferdinand geti spilað með liðinu gegn Stoke í ensku úrvalsdeildinni á laugardaginn.

Ferdinand meiddist í leik gegn West Brom í upphafi tímabilsins og meiddist svo aftur í leik gegn Bolton fyrir fáeinum vikum síðan. Hann hefur af þeim sökum misst af síðustu þremur leikjum United.

„Ég vona að Rio geti spilað um helgina,“ sagði Ferguson í viðtali á heimasíðu United. „Það þarf menn með reynslu til að spila gegn liði eins og Stoke. Rio kom inn í liðið þegar við mættum Bolton og það hjálpaði mikið til. Ég vona því að hann verði klár.“

United hefur þó ekki lent í teljandi vandræðum án Ferdinand þar sem liðið hefur unnið alla fimm leiki sína til þessa í ensku úrvalsdeildinni.