Ferguson: Mjög mikilvægur sigur

Sir Alex Ferguson, stjóri Man. Utd, var ánægður með sigurinn á Fulham í dag. United lenti aldrei í neinum erfiðleikum og vann þægilegan sigur.

"Þetta var mjög mikilvægur sigur. Á þessum tímapunkti í tímabilinu er nauðsynlegt að klára svona leiki örugglega," sagði Ferguson sem sat upp í stúku sem fyrr enda í leikbanni líkt og Wayne Rooney.

"Við gáfum boltann of mikið frá okkur í síðari hálfleik. Við fengum fín tækifæri til að skora meira en nýttum þau ekki. Við kláruðum þó dæmið. Það eru sex leikir eftir og við höldum okkar striki."