Meireles til Chelsea, Arteta til Arsenal og Bendtner til Sunderland

Félagsskiptavakt BBC hefur staðfest þrjú athyglisverð félagsskipti í ensku úrvalsdeildinni sem öllu gengu í gegn á síðustu mínútum.

Portúgalinn Raul Meireles fer frá Liverpool til Chelsea, Mikel Arteta fer frá Everton til Arsenal og Sunderland fær Nicklas Bendtner á láni frá Arsenal.

Chelsea kaupir Raul Meireles á kringum tólf milljónir og portúgalski landsliðsmaðurinn gerir fjögurra ára samning við Lundúnaliðið.

Arsenal hefur keypt Spánverjann Mikel Arteta frá Everton í kringum tíu milljónir punda en enskir miðlar voru búnir að afskrifa það fyrr í kvöld að Arsenal-mönnum tækist að klára kaupin áður en glugginn lokaði. Arteta skrifaði undir fjögurra ára samning.

Sunderland fékk síðan Nicklas Bendtner á láni frá Arsenal út þetta tímabil en Daninn hefur viljað komast burtu frá Arsenal í allt sumar.