Monsúnflóðin brátt í rénun

Taílands reyna sitt besta til að halda áfram daglegu lífi á flóðasvæðunum, sem nú þekja stóran hluta landsins. Flóðin hafa kostað meira en fjögur hundruð manns lífið. Guðsteinn Bjarnason tók saman nokkrar ljósmyndir.

Monsúnrigningarnar í Suðaustur-Asíu hafa bitnað verst á Taílendingum þetta árið. Úrkoman hefur verið linnulítil síðan í júlí og tjónið talið í hundruðum milljóna króna.

Um síðustu helgi slapp miðborg höfuðborgarinnar Bangkok naumlega við að verða flóðunum að bráð, þegar stíflur og skurðir virtust ekki ætla að duga til að verja miðborgina.

Ytri hverfi norðan til í borginni sluppu hins vegar ekki, og íbúar þar eru fyrir bragðið reiðir stjórnvöldum.

Flóðatímabilinu fer að ljúka á næstu vikum, en vandinn verður ekki síst fólginn í því að flóðavatnið hefur safnast fyrir og á ekki alls staðar greiða leið til sjávar – meðal annars vegna flóðavarna sem verja höfuðborgina.