Halldór Orri fann upp á laxafagninu - gerð auglýsingar Stjörnumanna

Stjörnumenn urðu heimsfrægir með fögnum sínum í fyrra og á dögunum komu hingað Spánverjar til þess að taka upp auglýsingu með strákunum. Nú má sjá stutta heimildarmynd inn á Youtube-vefnum um gerð þessarar auglýsingar.

„Við erum bara svo skemmtilegur hópur og allir mjög góðir vinir. Það er mjög auðvelt fyrir okkur að vera fíflast svona," sagði Daníel Laxdal, fyrirliði Stjörnunnar meðal annars í heimildarmyndinni en þar kemur einnig fram að það hafi verið Halldór Orri Björnsson sem fann upp á laxafagninu.

Laxafagnið má segja að hafi verið það fagn sem kom öllu af stað en fleiri frábær fögn áttu síðan eftir að bætast í hópinn. Með því að smella hér fyrir ofan má sjá þetta rúmlega fjögurra mínútna brot þar sem sjá má hvernig Stjörnumenn urðu að auglýsingastjörnum á Spáni.