Jafnt í hörku grannaslag í Birmingham

Birmingham og Aston Villa skildu jöfn í fyrsta grannaslag dagsins í ensku úrvalsdeildinni. Það voru sanngörn úrslit en leikurinn var fjörugur og skemmtilegur á að horfa.

Fyrri hálfleikur var markalaus. Bæði lið fengu þó ágæt færi og Villa setti boltann þrisvar í slá heimamanna. Engin voru þó mörkin.

Loksins braut annað liðið ísinn og voru heimamenn þar á ferð. Roger Johnson skoraði þá eftir að aukaspyrna var skölluð inn í teiginn. Vel gert hjá heimamönnum.

En gestirnir jöfnuðu leikinn með ágætu marki. James Collins skoraði þá með skoti í varnarmann og inn og allt ætlaði um koll að keyra meðal stuðningsmanna Villa.

Nathan Delfuenso átti svo skot í slánna fyrir Villa og Nikola Zigic skallaði rétt framhjá í uppbótaríma fyrir Birmingham.

Niðurstaðan 1-1 jafntefli í hörku grannaslag í Birmingham.