Dzeko frammi með Tevez - Enginn Íslendingaslagur

Edin Dzeko, nýjasti leikmaður Manchester City, er í byrjunarliðinu gegn Úlfunum í dag. Hann verður frammi með Carlos Tevez.

City getur komist á toppinn með sigri en auk þess fær Adam Johnson langþráð tækifæri í byrjunarliðinu.

Eiður Smári Guðjohnsen er ekki í leikmannahópi Stoke og heldur ekki Grétar Rafn Steinsson hjá Bolton en liðin mætast á eftir.

Didier Drogba og Michael Essien byrja báðir hjá Chelsea þrátt fyrir að Carlo Ancelotti hafi gefið í skyn að þeir yrðu á bekknum.