Anonymous ræðst á stærsta fíkniefnagengi Mexíkó

Tölvuþrjótahópurinn Anonymous hefur hótað stærsta fíkniefnagengi Mexíkó að upplýsa allt um starfssemi þess.

Þessi hótun kom fram eftir að gengið, sem gengur undir nafninu Zetas, rændi mótmælenda í borginni Veracruz. Anonymous krefst þess að maðurinn verði látinn laus samstundis. Ef Zetas gera það ekki ætla tölvuþrjótarnir meðal annars að gera opinberar upplýsingar um hvaða embættismenn, lögreglumenn og blaðamenn séu á mála hjá Zetas og greina frá helstu eignum gengisins.

Zetas er talið eitt ofbeldisfyllst glæpagengi Mexíkó og jafnframt það tæknivæddasta.