Fjöldagröf finnst í Líbíu

Lík 267 stuðningsmanna Muammars Gaddafi, fyrrverandi einræðisherra Líbíu, fundust í Sirte í dag.

Fjöldagröfin fannst í Sirtre og er talið að meirihluta þeirra sem fundust hafi verið teknir af lífi.

Talsmaður Rauða krossins sagði að flestir hinna látnu hafi verið stuðningsmenn fyrrum einræðisherrans.

Þjóðarráð Líbíu hefur heitið því að rannsaka málið og refsa þeim sem bera ábyrgð á fjöldamorðinu.

Fjöldagröfin fannst degi eftir að Gaddafi var grafinn á leynilegum stað í eyðimörkinni í Líbíu.