Maður festir snjallsíma í gervilim

Veitingamaðurinn Trevor Prideaux er að öllum líkindum fyrsti maðurinn sem lætur festa snjallsíma í gervilim.

Prideaux getur nú haft samskipti við fjölskyldu sína og viðskiptafélaga í gegnum snjallsímann. Hann segist nokkuð viss um að þetta hafi aldrei verið gert áður.

Prideaux hefur þurft að nota gervilim á vinstri hönd síðan hann var þriggja ára en hann fæddist án vinstri framhandleggs.

Hann segir að snjallsímar séu orðnir svo algengir að ómögulegt sé að reka fyrirtæki án þeirra. Prideaux datt því í hug að græða snjallsíma í gerviliminn. Hann leitaði upphaflega til Apple en tölvurisinn vildi ekki hjálpa honum.

Prideaux leitaði því til finnska fyrirtækisins Nokia sem samþykkti að hjálpa honum og í samsarfi við gervilimaframleiðandann Exeter Mobility Centre tókst þeim að festa snjallsíma í gerviframhandlegg Prideaux.