Fer Konchesky aftur til Fulham?

Paul Konchesky hefur ekki náð sér á strik með Liverpool í ensku úrvalsdeildinni en Roy Hodgson keypti hann frá Fulham s.l. sumar fyrir um 750 milljónir kr. eða 4 milljónir punda. Í enskum fjölmiðlum er sagt frá því að forráðamenn Fulham hafi áhuga á að fá vinstri bakvörðinn að láni frá Liverpool út leiktíðina.

Stuðningsmenn Liverpool eru ekki með hinn 29 ára gamla Konchesky í efsta sæti á vinsældarlistanum og er ljóst að hann á enga framtíð hjá félaginu eftir brotthvarf Roy Hodgson.

Fulham þyrfti að fá sérstaka undanþágu frá enska knattspyrnusambandinu ef málið á að ganga upp þar sem að Konchesky lék einn leik með Fulham í ágúst áður en hann var seldur. Samkvæmt reglum mega leikmenn ekki skipta um lið þrívegis í efstu deild á Englandi á sama tímabili. Konchesky gæti hinsvegar leikið með liði í næst efstu deild án þess að fá undanþágu.

Liverpool mætir Wolves á útivelli á laugardaginn í deildinni.

Leikir helgarinnar í ensku úrvalsdeildinni:

Laugardagur 22. janúar 2011

12:45 Wolves - Liverpool

15:00 Arsenal - Wigan

15:00 Blackpool - Sunderland

15:00 Everton - West Ham

15:00 Fulham - Stoke City

15:00 Manchester Utd - Birmingham City

15:00 Newcastle  - Tottenham

17:30 Aston Villa - Manchester City

Sunnudagur 23. janúar 2011

16:00 Blackburn - WBA

Mánudagur 24. janúar 2011

20:00 Bolton  - Chelsea