Smæsti dreki heims afhjúpaður

Smæsta drekastytta heims var afhjúpuð í dag í Taiwan. Styttan var gerð af því tilefni að árið 2012 verður ár drekans, samkvæmt kínverska tímatalinu.

Drekinn er aðeins tælega einn og hálfur sentimetri á lengd. Því er stækkunargler nauðsynlegt til að njóta þessa listaverks. Segir myndlistarmaðurinn að smíði verksins hafi verið þrautinni þyngri.

Ekki kemur fram hvað hafi vakað fyrir listamanninum með gerð verksins, hvers vegna hann telur þörf á því að gera örsmáan, vart sjáanlegan dreka til að fagna komandi ári. Hins vegar er alla vega ljóst að stórir jafnt sem smáir munu hafa sinn málsvara þegar ár drekans gengur í garð.

Hér má sjá myndband af því þegar styttan var afhjúpuð.