Carlo Ancelotti: Torres mun spila á móti Liverpool

Carlo Ancelotti, stjóri Chelsea, staðfesti það í kvöld eftir 4-2 útisigur á Sunderland í ensku úrvalsdeildinni að Fernando Torres muni spila sinn fyrsta leik fyrir Chelsea á móti Liverpool á sunnudaginn kemur. Chelsea keypti Torres á 50 milljónir punda frá Liverpool í gær.

„Við munum athuga stöðuna á honum á morgun og á fimmtudaginn. Ef hann er leikfær og laus við öll vandamál þá mun hann spila á móti Liverpool," sagði Carlo Ancelotti sem var ánægður með leikinn í Sunderland í kvöld.

„Við spiluðum mjög vel og sköpuðum okkur mikið af færum. Þetta var mjög góð frammistaða. Nú þegar Fernando Torres er kominn til okkar þá verður við mun samkeppnishæfari. Koma hans og David Luiz til okkar hefur líka ýtt undir bjartsýni í leikmannhópnum," sagði Ancelotti en Chelsea er enn tíu stigum á eftir toppliði Manchester United.