Þúsundir Dana keyra drukknir hvern dag

Rúmlega 10.000 manns aka undir áhrifum áfengis á degi hverjum í Danmörku að því er fram kemur í nýrri könnun og danskir miðlar segja frá.

Ölvunarakstur er beintengdur alvarlegum bílslysum, enda mælist áfengi í í blóði hjá fimmtungi allra þeirra sem deyja eða slasast alvarlega í bílslysum þar í landi. Hlutfallið hækkar upp í þriðjung ef fólk undir lyfja- og fíkniefnaáhrifum er talið með í þessum hópi.

Þeim sem aka undir lyfja- og fíkniefnaáhrifum í Danmörku hefur fjölgað mikið síðustu ár. - þj