Eltihrellir Rios dæmdur í fangelsi

Konan sem hefur verið að gera Rio Ferdinand og fjölskyldu hans lífið leitt undanfarnar vikur var í dag dæmd í tíu daga fangelsi. Hún má heldur ekki koma nálægt Rio og fjölskyldu næstu tíu árin.

Konan heitir Susanne Ibru og gekk í kirkju með móður Ferdinand. Hún var sannfærð um að Rio var maðurinn í sínu lífi og neitar meðal annars að trúa því að Rio sé giftur.

Hún ákvað að verja sig sjálf en það gekk ekki alveg upp hjá henni.

Dómarinn sagðist í dag að hafa verulegar áhyggjur af andlegu ástandi Ibru sem lifði í draumaveröld sem væri úr öllum tengslum við raunveruleikann.