Cleverley: Að spila fyrir United hefur ekki stigið mér til höfuðs

Tom Cleverley, leikmaður Manchester United, hefur heldur betur slegið í gegn í byrjun tímabilsins á Englandi, en leikmaðurinn hefur stjórnað miðjunni hjá United eins og herforingi.

Það eru engu líkara en að Cleverley hafi leikið í ensku úrvalsdeildinni í heilann áratug.

Þessi 22 ára leikmaður var á láni hjá Wigan á síðustu leiktíð, en Fabio Capello valdi Cleverley í landsliðshópinn fyrir leikina gegn Búlgaríu og Wales í undankeppni Evrópumótsins í knattspyrnu.

„Ég er ennþá sami leikmaðurinn og það hefur ekkert stigið mér til höfuðs að komast í liðið hjá Manchester United,“ sagði Cleverley í viðtalið við fjölmiðla ytra.

„Þó ég sé allt í einu kominn í byrjunarliðið hjá United þá verð ég ekki góður knattspyrnumaður á einni nóttu, það krefst vinnu“. 

„Það vill enginn missa sjónar af því hvað er mikilvægast og það er að halda áfram að standa sig, þetta er ungt lið og það er gaman að vera hluti af því“.

„Maður veit ekkert hvernig er að vera í toppbaráttu í stærstu deild í heiminum en þá kemur reynsla annarra leikmanna að góðu“.