Arsenal, Liverpool og Lille að keppa um Benayoun

BBC hefur heimildir fyrir því að Arsenal, Liverpool og franska félagið Lille hafi öll mikinn áhuga á því að fá til sín Ísraelsmanninn Yossi Benayoun sem á ekki mikla framtíð í Chelsea-liðinu.

Hinn 31 árs gamli Benayoun skrifaði inn á twitter-reikning sinn í gær að hann væri á leiðinni í burtu frá Stamford Bridge sem og að hann væri í viðræðum við nokkur félög.

Arsenal þarf að styrkja liðið sitt enda búinn að selja bæði Cesc Fabregas og Samir Nasri á síðustu dögum en Liverpool er að reyna að ná aftur í Benayoun eftir að hafa selt hann til Chelsea fyrir fimm milljónir punda í júlí 2010.

Það hefur einnig verið einhver orðrómur um það að Chelsea ætlaði að bjóða Benayoun sem bónus í tilboði liðsins í Luka Modric hjá Tottenham og þá hefur Benayoun einnig við orðaður við Newcastle.