Newcastle að ganga frá kaupum á ítölskum bakverði

Newcastle United eru líklega búið að finna arftaka Jose Enrique sem gekk til liðs við Liverpool á dögunum en Ítalinn, Davide Santon, er samkvæmt enskum fjölmiðlum á leiðinni í læknisskoðun hjá þeim svarthvítu.

Davide Santon er vinstri bakvörður og hefur verið á mála hjá Inter Milan frá árinu 2008 en hann var á láni hjá ítalska liðinu Cesena á síðustu leiktíð.

Þessi 20 ára varnarmaður þykir virkilega efnilegur og ætti að styrkja Newcastle mikið fyrir komandi átök í ensku úrvalsdeildinni.