Bara einn sigur hjá KR í síðustu fjórum heimaleikjum - myndir

KR-ingar komust aftur upp í efsta sæti Pepsi-deildar karla í gær þrátt fyrir að ná aðeins jafntefli á móti Grindavík á KR-vellinum. KR-ingar hafa aðeins náð að vinna einn af síðustu fjórum heimaleikjum sínum og það má segja að með því hafi þeir haldið mikilli spennu í titilbaráttunni.

Grétar Sigfinnur Sigurðarson kom KR yfir í byrjun seinni hálfleiks en Óli Baldur Bjarnason tryggði Grindvíkingum fjórða jafnteflið sitt í röð með skora með hjólahestaspyrnu tólf mínútum fyrir leikslok.

Vilhelm Gunnarsson, ljósmyndari Fréttablaðsins og Vísis, var á leiknum á KR-vellinum í gærkvöldi og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.