Ákærðir fyrir þrælahald

Fjórir menn voru ákærðir í Bretlandi í dag fyrir þrælahald og að neyða aðra menn í þrælkunarvinnu. Þetta kemur fram á vefmiðli CBS. Upphaflega var ólétt kona handtekin auk mannanna fjögurra. Henni var sleppt í dag.

Mennirnir voru handteknir í gær í áhlaupi lögreglunnar á svæðið þar sem þrælkunarvinnan átti sér stað, norður af London. Lögrelga fann 24 menn á svæðinu. Þeir voru illa til reika og bjuggu við mjög bágar aðstæður. Embætismenn áætla að sumir þeirra hafi „hreinlega unnið sem þrælar" í allt að 15 ár.