Ferguson segir Berbatov aldrei betri

Sir Alex Ferguson vonar að Búlgarinn Dimitar Berbatov haldi áfram frábæru gengi sínu á leiktíðinni og skori minnst 20 mörk á leiktíðinni.

Berbatov hefur nú þegar skorað 17 mörk í deildinni, þar af þrjár þrennur. Manchester United á enn eftir að tapa leik á tímabilinu og eru efstir í ensku deildinni með 48 stig í 22 leikjum.

„Það er mikilvægt að Berbatov skori yfir 20 mörk fyrir okkur. Það setur ákveðin brag á liðið og vonandi ná fleiri leikmenn því takmarki," segir Ferguson en Javier Hernandez er búinn að skora níu mörk og Nani átta.

„Dimitar er að er að toppa núna og aðrir leikmenn liðsins sjá það. Þeir eiga þátt í hversu vel hann er að leika. Dimitar hefur sérstaka hæfileika og við erum að ná því út úr honum á þessu tímabili."