Dalglish heimtar ekki nýja leikmenn

Kenny Dalglish ætlar ekki að heimta peninga til leikmannaupa í janúar. Liverpool gerði jafntefli við Everton í dag og er sem fyrr um miðja deild.

Fjöldi leikmanna er orðaður við liðið en Dalglish segir að hópurinn sé nógu góður fyrir sig til að vinna með.

Hann mun hitta eigendur Liverpool í vikunni. "Ég veit ekkert hvað við erum að fara að ræða. Við erum með nokkra leikmenn sem stuðningsmennirnir hafa ekki séð í réttu ljósi ennþá. Ef við fáum Christian Poulsen og Paul Konchesky á band stuðningsmannanna þá verður hópurinn aðeins betri."

"Christian stóð sig mjög vel gegn Blackpool og Paul fær tækifæri líka," sagði Dalglish.

Talið er að Danny Wilson fái brátt fækifæri í byrjunarliðinu en hann er einn efnilegasti leikmaður Skota. Hann er miðvörður en Martin Skrtel átti til að mynda afleitan dag gegn Everton. Hann ýjaði einnig að því að fleiri ungir leikmenn myndu fá tækifæri, til að mynda Jay Spearing og Daniel Pacheco.