Middlesbrough hélt toppsætinu í Championship-deildinni

Tíu leikir fóru fram í ensku Championship-deildinni í dag, en þar ber helst að nefna frábæran sigur, 2-1, hjá Derby gegn Nott'm Forest, en Derby lék einum færri allan leikinn. Frank Fielding, markmaður Derby, fékk rautt spjald á 2. mínútu leiksins.

Blackpool og Cardiff gerðu 1-1 jafntefli, en Aron Einar Gunnarsson, leikmaður Cardiff, lék allan leikinn. Cardiff er í sjötta sæti deildarinnar 12 stig, en Blackpool er einnig með 12 stig í því sjöunda.

Middlesbrough sigraði Crystal Palace 1-0 og hélt því toppsætinu, en liðið er með 17 stig eftir sjö umferðir.

Reading vann botnlið Doncaster 2-0 en Brynjar Björn Gunnarsson var allan tímann á bekknum í liði Reading.

Úrslit dagsins:

Barnsley 1-1 Watford

Blackpool 1-1 Cardiff

Crystal Palace 0-1 Middlesbrough

Hull 1-0 Portsmouth

Leeds 2-1 Bristol City

Leicester 1-0 Brighton

Millwall 0-0 West Ham

Nott'm Forest 1-2 Derby

Peterborough 2-1 Burnley

Reading 2-0 Doncaster