Moyes: Fín þrjú stig en við getum leikið betur

David Moyes, knattspyrnustjóri Everton, var að vonum ánægður með sigurinn gegn Wigan í ensku úrvalsdeildinni í dag, en heimamenn sigruðu leikinn 3-1.

„Mér fannst spilamennska okkar ágæt í fyrri hálfleiknum en það vantaði samt sem áður eitthvað hugmyndarafl í leik minna manna".

„Ég gerði ákveðnar breytingar á liðinu og þær tókust sem betur fer".

„Það eina sem ég hugsaði um í dag var að ná í þrjú stig og það skipti engu máli hvernig við myndum fara að því".

„Mér fannst við eiga sigurinn skilið, en ég veit að liðið getur spilað betur".