Aston Villa og Wolves enn taplaus

Aston Villa og Wolves skildu í dag jöfn, 0-0, í fyrsta leik dagsins í ensku úrvalsdeildinni.

Leikurinn liðanna var að mestu tíðindalítill en þeim hafði báðum gengið vel í upphafi leiktíðarinnar. Wolves hafði unnið báða leiki sína en Aston Villa var með fjögur stig úr sínum fyrstu tveimur leikjum.

Emile Heskey átti ágætt skot að marki Wolves í fyrri hálfleik en það fór framhjá.

Leikurinn var aðeins hraðari í seinni hálfleik en samt lítið um færi. Wayne Hennessey, markvörður Wolves, varði vel frá Gabriel Abbonlahor og Chris Herd en mikið meira gerðist ekki.

Stephen Ward komst þó nálægt því að stela sigrinum fyrir Wolves í lokin en var stöðvaður af Herd. Sá mátti teljast heppinn að hafa ekki talist brotlegur.

Staðan í ensku úrvalsdeildinni