Richards búinn að semja við City

Micah Richards gerði í dag nýjan fjögurra ára samning við Manchester City en hann hefur staðið sig vel að undanförnu.

Richards er uppalinn hjá City þar sem ríkir mikil samkeppni um stöður í byrjunarliðinu. Hann hefur verið fastamaður í liði City og hefur frammistaða hans nú verið verðlaunuð með nýjum samningi.

Hann lék sinn fyrsta leik með City árið 2005, þá aðeins sautján ára gamall. Hann var fljótur að vinna sér sæti í byrjunarliðinu og á einnig baki leiki með enska A-landsliðinu.

Viðræður um nýjan samning hafa staðið yfir í langan tíma.