Óljóst hvort Papandreou standi af sér vantraust á gríska þinginu

Sólarhringslöngum pólitískum hrossakaupum og uppákomum á gríska þinginu lauk í nótt með því að leiðtogi stjórnarandstöðunnar krafðist þess að George Papandreou forsætisráðherra landsins segði af sér.

Í fréttum um málið  er haft eftir heimildum að Papandreou hafi samið um að segja af sér gegn því að ráðherrar hans og þingmenn á þinginu verðu hann gegn vantrausttillögu á þinginu í dag. Í kjölfarið yrði svo reynt að mynda þjóðstjórn með fulltrúum allra flokka. Papandreou á að hafa samið um þetta við ráðherra sína  í nótt.

Ekki er ljóst hvort Papandreou stendur af sér vantrausttillöguna í dag en allavega er ljóst að Grikkir eru algerlega rúnir trausti innan Evrópusambandsins.