Given má fara frá City

Shay Given er einn þeirra sem má fara frá Manchester City. Félagið vill þó finna staðgengil hans áður.

Given er einn af bestu markmönnum deildarinnar sem fær ekkert að spila og vill eðlilega fá tækifæri í byrjunarliðinu. Joe Hart hefur aftur á móti staðið sig vel.

Búast má við að fjölmörg félög vilji fá Given enda virkilega góður markmaður þrátt fyrir að hafa gert sín mistök á ferlinum.

Keiren Westwood hjá Coventry er einn af þeim leikmönnum sem Roberto Mancini gæti fengið til liðsins.

Auk Given er Emmanuel Adebayor á leiðinni í burtu að láni í janúar ásamt Shaun Wright-Philips. Roque Santa Cruz er svo farinn til Blackburn.