Ferja með 1.200 manns í ljósum logum á Rauða hafinu

Ferja með yfir 1.200 manns innanborðs stendur nú í ljósum logum á Rauða hafinu. Ferjan var að sigla með egypska farandverkamenn frá höfninni í Aqaba í Jórdanínu og yfir til Egyptalands.

Önnur ferja og dráttarbátur eru komin á staðinn til að aðstoða við björgunaraðgerðir. Þá segir ríkissjónvarpið í Egyptalandi að sjó- og flugherir landsins hafi verið kallaðir út og taki þátt í björgunaraðgerðum.

Nýjustu fréttir eru að um 800 af farþegum ferjunnar hafi verið bjargað og allar líkur á að hægt verði að bjarga hinum 400 án manntjóns.