Barnamisnotkun í stofnunum kaþólsku kirkjunnar í Hollandi

Talið er að tugir þúsunda barna hafi verið misnotuð á stofnunum kaþólsku kirkjunnar í Hollandi frá árinu 1945. Þetta kemur fram í niðurstöðum nefndar sem rannsakað hefur ásakanir um illa meðferð á börnum í opinberum stofnunum í Hollandi.

Í skýrslu nefndarinnar kemur fram að starfsmenn kirkjunnar hafi ekki tekist á við víðtæka misnotkun í skólum og munaðarleysingjahælum í Hollandi.

Rúmlega 34.000 einstaklingar tóku þátt í könnun nefndarinnar. Niðurstöður könnunarinnar benda til að eitt af hverjum fimm börnum hafi verið misnotað af starfsmönnum kirkjunnar.

Nefndin hóf störf í ágúst á síðasta ári og hefur rannsakað tæplega 2.000 skráð tilfelli misnotkunnar. Af þeim 800 fyrrum starfsmönnum kaþólsku kirkjunnar sem grunaðir eru um misnotkun eru aðeins 100 enn á lífi.