Fengu munúðarfulla kossa frá foreldrum sínum

Heldur vandræðalegt atvik átti sér stað á árlegri samkomu í Rosemount gagnfræðaskólanum í Bandaríkjunum fyrr í vikunni. Bundið var fyrir augu fyrirliða vetraríþróttaliðs skólans og þeir beðnir um að setja stút á varirnar. Hópurinn fékk síðan munúðarrfulla kossa frá foreldrum sínum.

Skólastjóri Rosemount hefur beðist afsökunar á hrekknum.

Hrekkurinn náðist á myndband og hefur málið vakið mikla athygli á vefnum. Fyrirliðarnir, sem eru af báðum kynjum, taka flestir vel í dularfulla kossinn og grípur einn um bossann á móður sinni.

Hrekkurinn var skipulagður af starfsmönnum skólans.

Viðbrögð fyrirliðanna náðust einnig á myndband. Á meðan sumir hlægja og grípa um andlitið af skömm eru nokkrir sem virðast einfaldlega glata lífskrafti sínum - enda getur það vart talist auðveld reynsla fyrir ungling að vera svo náinn móður sinni.