Joe Hart þrefaldar launin sín hjá Man City

Enski landsliðsmarkvörðurinn Joe Hart hefur skrifað undir nýjan fimm ára samning við Manchester City. Talið er að Hart þreföldi vikulaun sín með nýjum samningi.

Hart, sem er 24 ára, stóð sig frábærlega í marki City á síðustu leiktíð og hélt Shay Given til að mynda alfarið úti úr liðinu.

„Ég er í skýjunum að hafa skrifað undir nýjan samning. Það er spennandi að vera leikmaður City í dag," sagði Hart á heimasíðu City.

Hart stóð í marki City gegn erkifjendunum í Manchester United í Samfélagsskildinum í gær. City beið lægri hlut 3-2.