Campbell ekki á förum frá Newcastle

Alan Pardew, knattspyrnustjóri Newcastle, ætlar að halda í Sol Campbell hjá félaginu. Orðrómur hefur verið uppi um að Campbell vilji fara frá félaginu en hann gekk til liðs við félagið sökum vináttu við Chris Hughton sem var rekinn sem stjóri liðsins í haust.

„Ég vil halda Sol. Hann er stór karakter í fótboltanum og okkar leikmenn geta lært mikið af honum þó hann komist ekki í liðið. Hann hefur meiddur síðan í leiknum gegn Liverpool í desember. Hann hefur hins vegar litið frábærlega út undanfarna daga," sagði Pardew.

Campbell kom til Newcastle í sumar eftir að hafa leikið með Arsenal síðari hluta síðasta tímabils. Orðrómur er um að hann væri jafnvel aftur á leið til Arsenal eða til Celtic í Skotlandi.